上星期於網上論壇發表拙文,網友熱烈回應,在此將一些獨特見解和補遺,加上小弟的回應節錄如下:

旺旺:

如蕭生言, 無論tvb劇集多如繁星, 觀眾印象深刻的,
只有亞視表現突出的幾套劇集, 在人力物力缺少的情況下拍片難度很高

有時誤打誤撞, 效果比用心堆砌好, 彊屍1比彊屍2好

原先劇本係講現代彊屍, 係梁立人 將劇本介紹俾tvb,
但tvb 唔要, 留返亞視, 陳十三做寫手, 開頭陳十三想搵
林正英做天師, 林正英應承接拍, 但不久去世,
唯有扭一扭, 參考日本卡通片, 天師改為美少女...

當時無人識呢套戲, 我只知道個名同"我和春天有個約會" 相近,
起初如亞視一般處境劇, 發生係住宅大厦...
去到白蛇傳, 開始覺得套劇與眾不同, 去到時光倒流更加是天馬行空,
口碑自此而來, 全家人都追看

彊屍2收視更高, 但我看來, 沒有1那般清新 (不是新鮮感),
1發生在日常生活, 陳十三成功將現實與虛幻元素混合,
到2時, 已開始脫離, 到3更是卡通片

2不夠細膩, 貞子是白蛇變奏, 但金正中深情不再,
而尹天照相對1時, 發福不少, 要他再談情, 也不夠說服力

況天佑沉淪的那段時間, 劇情拖延,
原因是劇集由1的廿幾集, 大幅增加一倍,
陳十三可以盡情發揮, 故事更加完整,
但他坦言, 1是無可替代的


IreneAzukiLotus:

最近ATV深夜播《我和殭屍有個約會》,很懷念啊……
我見樓主似乎不大喜歡第二輯,但我覺得第二輯是最好的!
我認為第一、二輯才是故事的整體,第一輯是極之精彩的上半部(看第一輯的結局便知道,故事還未完!),第二輯內容則是接近完美的完結篇(同時解開了不少在第一輯留下的疑團)。第三輯卻是「不拍好過拍」的續篇/後話……


(kmingng回應:

我並非不喜歡《殭屍II》,這是一套娛樂性極豐富,創意很高的劇集,我只是覺得不能和《殭屍I》的成就相比較。

我並不知道梁立人和陳十三創造《殭屍I》時,是否特意留下伏筆。從尹天照覆述當時拍攝《殭屍I》時的困難和迷惘,我對此有頗大疑問。但編寫《殭屍II》時,陳十三希望不再重覆《殭屍I》的意圖非常明顯。《殭屍I》成功將神怪劇變身愛情劇,《殭屍II》是意圖將科幻劇變身愛情劇。

中國人從來都有神話故事和民間傳說的傳統,《殭屍I》最聰明的是將神話故事和民間傳說成功和現實世界溶合,觀眾如我較容易接受白蛇苦苦等待許仙八百年直至今天,中日戰爭時發生天師捉殭屍失敗令殭屍不老不死直至今天。觀眾接受了這個世界,便容易為白素素和金正中的愛情感動,對況天佑和馬小玲的矛盾感情變化產生共鳴。

可惜中國人從來沒有科幻故事的傳統(這是美國人的傳統),觀眾實在難以相信網絡上躲著一隻鬼,會從電腦跳出來殺死你。又或殞石上睡著一個女媧衝向地球毀滅地球,但黃卓玲飾演的女媧活像一個白癡。當觀眾不能投入相信這個世界,又怎會為貞子和金正中,又或將臣和女媧的愛情產生共鳴?科幻副線削弱了劇集的感染力,令我有《殭屍II》相比《殭屍I》還有一段距離的結論。)


kennyyou:

三隻我都好鐘意, 唔好話無綫, 如果唔係亞視不斷改革, 我都唔信有監製會批准拍一個咁既電視劇既然題目係從編劇的角度看<我和彊屍有個約會>, 那我也從讚賞編劇的角度
討論一下這套劇

第一隻, 我個人佩服的唔同樓主講的橋段, 因為日本漫畫味太濃, 一個鐘意睇港產片同日本漫畫既讀者, 其實都會有諗過拍過咁既故仔, 我服佢既係玩果兩樣野, 講就容易,寫到但係都未必拍到
1. 返六十年前既一晚, 成功就永遠唔會再記得對方, 但係又唔可以失敗, 兩個唔可以做戀人既男女,
(珍珍因素比天帥同彊屍重),最後既一晚, 用一首"原來只要為你活一天", 絕到無論...對我來講, 呢段係我睇過所有電視劇, 最經典片段之一
(kmingng回應:同意極了,我遺漏了這一幕,絕對是經典片段之一)
2. 我更佩服既係, 拍一段三角戀唔難, 但一段三十集都唔悶既三角戀就好難, 因為大部份既編劇都會有意無意咁將,最後既男女主角拉得更近, 令人覺得佢地應該在一起, 但呢套劇, 可以寫/拍到明明天佑會同小玲一齊, 但其實佢揀珍珍亦一點也不出奇, 果種細緻, 亦都係少見既
3.其實係更佩服佢既其中一個角式描寫, 王珍珍 - 點樣寫一個女仔係純良但係聰明既呢? 大部份既編劇可以寫純既女仔, 但係多數會比人覺得係蠢, 寫聰明既又免不了心計多, 男人寫女人係有難度既,連金庸寫黃容(響神鵰), 都令人覺得討厭,呢個聰明而純真既角色, 真係可以幫套戲拿到唔小分數...當然揀左楊小姐做亦係某程度上既成功, 佢本身都係一個好聰明既女仔, 但係好多數人地會比佢柔弱既外表騙到.......

有時間再寫下其餘兩部....


m6player:

殭屍1我也有放在神檯供奉
地位排在大時代之後
間唔中重溫

陳十三的殭屍1格局似舞台劇
命題精彩 : 為了深愛的人不死, 你會唔會將佢變成殭屍
(kmingng回應:確是很好的命題)
況天佑為了這決擇受盡煎熬
陳十三亦提出唔同的選擇
表面喜歡的王珍珍, 咬左, 內疚一世
真心愛的馬小靈, 唔忍心, 最後死左
無話邊個好, 觀眾自己思考, 電視劇可以咁玩, tvb做唔到
主題曲也是精彩
特技嘛嘛, 但大家唔介意, 真喜歡係唔計較小問題

殭屍2 只是用豐富資源, 神話包裝, 再拍一次殭屍1
除參考了潮與虎造型愛, 無什特別

殭屍3 只是提供一個結局


8E378:

我覺得大家忘了王珍珍這個角色
或許楊小姐在過去的十年, 令人家淡忘了,
或許發生了一些私人感情, 令大家覺得她不再清純

但回想當時, 她演出的清純女孩黃珍珍, 又乖又叻女
那可是cctvb, 百多個女明星, 港姐, 也做不到的事
有人說鍾嘉欣夠純夠乖, 但要她架起眼鏡, 做一個小學老師
我相信大家只會看到薯仔的一面, 而不覺得美

沒有珍珍的襯托, 大家又怎會覺得天佑小玲的愛情可貴?


(kmingng回應:

原來很多人喜歡王珍珍,當年楊恭如形象真的純得無話可說。)
創作者介紹
創作者 kmingng1226 的頭像
kmingng1226

kmingng

kmingng1226 發表在 痞客邦 留言(0) 人氣()